وصف للمــحبوب

[$ذبحني هواهم$]

كون بلا حجي ندكابل انة وياك
بعيوني السوالف كلهن اشرحهن

وسولفلك عليك اشكد اسولف بيك
كبل لا جنت اعرفك بية اسولفهن

سواليفك حفظ ماتنكتب بقلام
على خطوط الجفن برموشي كاتبهن

كبل يومين اعرفك مو كبل سنتين
وكبل سنتين جن عيونك اعرفهن

سامع بالسوالف تنحجي وتنكال
بس بيك السوالف سكتة سامعهن

بوكت الجاهلية اشعار كتبو بيك
ولعيونك بوكتك صرت شاعرهن


كومت امهات بعينك مخلفات
وانة الامهاتك صرت جاهلهن

راح وياي اسولف على عيونك هاي
اصلي اعلة الرسول نخاف نحسدهن

حضنك بية ربيع وهم شتة الامطار
وهم صيف وخريف بوكت جامعهن

صدرك بية منهاج تشرح التاريخ
وانة بشفتي يوم بيوم اراجعهن

اية ايريد ربك زرع بيك اشكال
شلع زرعات جنتة وبيك زارعهن

ارصفت الشوارع جلبن برجليك
وجف رجلك عليهن صار شارعهن

مو بس الرصيف ايباوع الرجليك
الشارع سوة عين وكام باوعهن

اتلاثة بهل السماءيضون اعلة الناس
وخيط الفجر انتة وصرت رابعهن

اعتباطا ماعرفهة انيوتن الافكار
من فكرة جمالك هوة طلعهن

ليش الضوء اسرع منطلق بالكون ؟
شافك راد يلحكك صار اسرعهن

كل هذا وسؤالك ليش افكر بيك
ما فكر ؟ افكاري شلون اجرعهن

تعال ارجوك صدك وشلتهة الروح
الموانع ذني بيني وبينك ارفعهن

تعال وياي اكعد بقن بس جم يوم
وهذن جم يوم اذا ماجيت اودعهن


م ن ق و ل

اتمنى ان تعجبكم

[صعب المنال]

شغل عراقي مضبوط والله


يسلمووو اخت ذبحني وسلمت يداكـ يا رب

[$ذبحني هواهم$]

مشكور خيي صعب

ع المرور الحلو

لا هنت

[روح النسيم]

يثــــــلموو خيوو قصيده ولا اروع ....

لاعدمناك ...

اختـ >>قمــ المملكة ــر<< ــــــــك ...

[$ذبحني هواهم$]

مشكوووره خيتو قمر

ع المرور النايس

لاهنتي

[سفــيرٍألحــزٍن]

يعطيك ألعآفيه خيتوو


تقبلي مروري


سفيرالحزن

[$ذبحني هواهم$]

مشكوووور خيي

ع المرور الرائع

لاهنت

[امون بس مااخون]

يعطيك العافيه ذبحني علي هالطرح الرائع
تسلم يمينك
دمتي بحفظ الله